fbpx

Txikia ederra da

Published by el 18 de May del 2020 a las 16:36

Hogeigarren mendearen 70eko hamarkadan, E.F. Schumacher-ek Txikia ederra da liburu zoragarria idatzi zuen. Haren ikuspegi aurrerazalea gaur egun ere oraindik abiapuntu ezin hobea da gizarte aurrerakoi, eboluzionatu, eraginkor eta jasangarria eraiki ahal izateko.

Etiopia Utopia Fundazioari buruzko lerro hauek idazteko, nireak egin ditut liburuaren izenburuaren eta edukiaren zertzelada batzuk. Hala, bada, Etiopia Utopia Fundazioaren helburuen ildo nagusiak ondo eta zehatz ezarri behar dira.

Alde batetik, fundazioaren egitura ez da handia; txikiegia ere ez, kontuan hartzen baditugu fundazioaren egitekoa eta baliabide ekonomiko zein humanoak; alde horretatik, neurri-neurrikoa da, familia bat bezalakoa, gertukoa. Lagunek, ezagunek, bolondresek elkar elikatzen dugu; alde batetik, ameslariak gara; beste alde batetik, ordea, errealistak. Baliabideei dagokienez, beste erakunde batzuetatik ere elikatzen da fundazioa, bere izaera autonomoa galdu gabe.

 

Txikitasun eta autonomia hori da fundazioaren altxorretako bat.

Txikia ederra dela sinetsi, bizi  eta barneratzeko aukera eskaintzen du, egitura neurrikoa eta ederra eraikiz.

Fundazioak gauza txikiak egiten ditu; baita ez hain txikiak ere. Iraganari begira, ekintza guztiak ez dira espero bezain emankorrak izan; hortaz, etengabeko hausnarketan murgilduta gabiltza fundazioko gizon-emakumeak, akatsetatik ikasi eta gero eta ekintza jasangarri eta emankorragoak aurrera eramateko.

 

Oro har, ekintza handiak baino emankorragoak dira txikiak.

Giza baliabideak eta baliabide ekonomikoak kontuan hartuta, proiektu txikiak askoz emankorragoak eta jasangarriagoak gertatu dira; horizontalagoak, kontrolagarriagoak, gardenagoak izan dira; hots, ederragoak.

Ikuspegi horiek aurrera eramateko, proiektua edozein dela ere, ondo aztertu behar da aldez aurretik; hasteko, Tigrai eskualdearen benetako beharrak identifikatu, bertako biztanleriaren izaera kontuan hartu, hango jendearekin harremanak landu, proiektuak haien egoeraren arabera diseinatu, eta benetako protagonistak direla sinetsarazi eta sentiarazi behar zaie.

Horretarako, aurrera eraman nahi den proiektu bakoitza talde multidiziplinar batek aztertu beharko luke.

Proiektu ez handi horiek gauzatzeko gaitasuna duen egitura da fundazioaren altxorra, emankorra bezain ederra. Noizean behin proiektu handiagoren bat aurrera eramateko gaitasuna ere badu fundazioa osatzen duen gizon-emakume taldeak, beti ere ederra izatearen xarma galdu gabe.

 

LO PEQUEÑO ES HERMOSO

E.F. Schumacher publicó el libro Lo pequeño es hermoso. Para escribir estas líneas me he basado en algunos aspectos del título y del contenido del libro.

La estructura de la Fundación Etiopia Utopia no es grande; tampoco es demasiado pequeña; simplemente, es proporcionada.

Esa pequeñez es uno de los tesoros de la fundación; se dedica a pequeños proyectos, aunque algunos no son tan pequeños. En general, las pequeñas acciones son más eficaces que las grandes, son más controlables, más transparentes; en definitiva, más hermosas.

KOLABORATU ETIOPIA UTOPIAREKIN!

Modu asko daude Etiopia Utopiarekin kolaboratzeko: boluntario gisa, ekimen solidario bat antolatuz, laguntzaile bihurtuz edo dohaintzen bidez.

Gure Fundazioarekin kolaboratu nahi duten pertsonek hainbat arlotan egin dezakete. Pertsona aktiboak behar ditugu, denon artean bidegabekeria eta desberdintasun gutxiago dituen mundu baten alde lan egiteko. Gure egoitzan zein Etiopian gauzatzen dugun lanari pertsona bakoitzak balio erantsi bat gehitzea nahiko genuke, betiere pertsona bakoitzaren gaitasunen eta aukeren arabera, baita gure gizartean pentsamendu kritikoa bultzatzea eta eraldaketa sozial positibo baten alde lan egitea ere.

Boluntario taldearen kide izateak, ematea ez ezik, jasotzea ere badakar, elkarrekin ikasteko prozesu aberasgarri baten parte bihurtzen delako boluntarioa. Horretarako, honako hauek dira gure baldintzak:

  • Gure ekintzaren onuradun diren pertsonak errespetatzea: lan egiten dugun pertsonen giza duintasuna aitortzea eta errespetatzea.
  • Justizia bilatzea: gizarte-bazterkeriaren zergatiak bilatzea eta horiek alboratzeko borrokatzea, babesgabetasun- eta behar-egoeran dauden pertsonak defendatzea.
  • Elkartasuna: beste pertsonaren lekuan jartzen jakitea, hura sostengatzea.
  • Eskuzabaltasuna eta altruismoa: lana, denbora eta arreta eskura jartzea.
  • Parte-hartze demokratikoa: besteen parte-hartze zuzena sustatzea eta arazoak konpontzerako orduan dauden desberdintasunei dagokionean errespetuzko giroa sortzea.
  • Askatasuna: gizakiak askatasunez jarduteko duen gaitasuna aldarrikatzea, pertsona bakoitzak bere motibazio eta sinesmen sakonen arabera joka baitezake, direla etikoak, erlijiosoak, politikoak edo kulturalak.
  • Presentziaren balioa: behar duenarekin egoteko gaitasuna izatea, apaltasunez eta modu jarraituan.
  • Jarrera dinamikoa eta positiboa. Entzuten, errespetatzen eta giro ona sortzen jakitea.
  • Egoera fisiko eta psikiko onean egotea.
  • Astia izatea eta konpromisoa, pertsona bakoitzaren errealitatearen araberakoa.
  • Oztoporik ez jartzea baina mugak jartzen jakitea.

Etiopian

Datu pertsonalak

Prestakuntza





WordExcelBeste batzuk


Esperientzia pertsonala

Esperientzia lankidetzaren arloan

Bestelakoak

* Derrigorrez bete behar da

Fundazioan

Datu pertsonalak

Prestakuntza





WordExcelBeste batzuk


Esperientzia pertsonala

Esperientzia lankidetzaren arloan

Bestelakoak

* Derrigorrez bete behar da

Pertsona aktiboa eta solidarioa bazara, lagunartean ekitaldi bat antolatzeko aukera baduzu, azoka txiki bat, kontzertu bat, afari bat, … eta bildutako dirua gure Fundazioaren proiektu bati eman. Ideia solidario bat baduzu, abian jartzen lagunduko dizugu. Bidal ezazu mezu bat helbide honetara…

Zure diru-ekarpena oso garrantzitsua da burutzen ditugun proiektuetarako.
Horrela, Laguntzailearen figurari esker, gaur egun Etiopian gauzatzen ari garen proiektuei jarraipena eman ahal diegu.

Zuk erabakitzen duzu zenbat eman eta maiztasuna.

Irabazi asmorik gabeko erakunde bat garenez, PFEZaren aitorpenean parte bat ken dezakezu.


HileroHiru hileroSei hileroUrtero

Datu pertsonalak



BaiEz



BaiEz

Ordaintzeko modua

Bankuan helbideratzea *

* Derrigorrez bete behar da

Dohaintza bat egitea nahiago baduzu, jarraian kontu zenbakiak aurkituko dituzu. Desgrabazioa egiteko dohaintza egin izanaren ziurtagiria jaso nahi baduzu, bidali mezu bat hurrengo helbidera zure datuekin eta gaian zure NAN/IFZ zenbakia zehaztu:

Kutxabank             

Jabea: Etiopia Utopia Fundazioa    

ES27 2095 5001 00 1063671571

Laboral Kutxa

Jabea: Etiopia Utopia Fundazioa

ES61 3035 0060 41 0600140005

Enpresak

Enpresa bat bazara eta lagundu nahi baduzu, eskatu informazio gehiago helbide honetan:

administracion@etiopiautopia.org

teaming

Teaming es una herramienta online para recaudar fondos para causas sociales a través de micro donaciones de 1€ al mes. La filosofía de Teaming se basa en la idea de que con 1€, nosotros solos no podemos hacer mucho pero si nos unimos, podemos conseguir grandes cosas.

Colabora con Etiopía Utopía con 1€ al mes desde nuestro Grupo de Teaming pinchando en este enlace:

Grupo de Teaming Etiopía Utopía

Categorised in:

etiopia

Leave a Reply

Este sitio web utiliza archivos cookies propios y de terceros para mejorar nuestros servicios y adaptar el sitio web a sus hábitos de navegación. Para aceptar su uso puede clicar en “Aceptar” o continuar navegando. Asimismo, puede configurar o rechazar el uso de cookies utilizando las herramientas de configuración de su navegador. Para obtener más información sobre el uso de las cookies, las herramientas de configuración y sus derechos: Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar