“AFRIKAKO BEGIRADAK” Errenterian
Published by etiopia el 30 de November del 2022 a las 13:14
“AFRIKAKO BEGIRADAK” NURIA FAIG-EN ARGAZKI ERAKUSKETA ERRENTERIAN
Errenteriako Udalak antolatzen duen Giza Eskubideen jardunaldiak VIII edizioaren baitan. #GizaEskubideenBidetik
Abenduaren 5etik 16ra. ‘Afrikako Begiradak: Afrikaren bihotzera bidaia magikoa’ izeneko argazki erakusketa jarri du Etiopia Utopia Fundazioak Xenpelar Etxean, (Madalen Kalea, 34. Errenteria) . Etiopiako errealitatea eta bertako zenbait paisaia ezagun ezagutzeko aukera emango du erakusketak. Nuria Faig argazkilariarenak dira irudiak, herrialdera egindako bidaia ezberdinetan hartutakoak. Etiopia askotariko aurpegi eta errealitate dituen herrialdea da, eta argazkiek aniztasun horiek bistaratzen dituzte, bide batez, hausnarketarako bide emanez.
Bertan bizi diren herritarrak laguntzeko aukera ere emango du Etiopia Utopia Fundazioak. Azken bederatzi urteotan hezkuntzan, osasungintzan eta ur-horniduraren alorretan jartzen du arreta fundazioak.
Erakusketa azaltzeko Nuria Faig artistarren hitzak:
“Ikusten ari zaren proiektua pertsonei buruz hitz egingo digu, ezeren truke, beren poza guztia banatzen duten pertsonei buruz.
Proiektu hau, urtez urte, nire kameraren zulotik beste pertsonen bizitza behatu ondoren, sortzen da. Etxeko kutxak bizipen, amets eta sentipenez bete eta hustu ondorengoa. Nire bihotzak dio ezin naizela besoak gurutzaturik geratu, istorio bat dudala kontatzeko eta orain dela unerik egokiena.
Bidaiatzea ez da inoiz erraza izan, bidean gauza ugari utziko dituzu baina etxera motxila beteta duzula itzuliko zara, sentimendu berriz gainezka, pixkanaka irentsi behar direnak. Bidaiatzea ez da munduan zehar bueltatxo bat ematea soilik, askoz gehiago da, bizitzea, sentitzea, maitatzea, estimatzea, ulertzea, begiratzea, azkenean zure bizitza partekatzea eta zure bizitzari zentzua aurkitzea.
Jaso dudan guztia era magiko batean itzultzea izango da proiektu honen helburua. Etorkizun ezberdina eta ekonomikoki behartsuak diren pertsonen istorioa partekatu nahi dut zuekin. Nire ekarpen txiki honekin, mundu hori ez ahaztea lortu nahiko nuke.
AFRIKAKO BEGIRADAK… AFRIKAKO BIHOTZERA BIDAI MAGIKOA erakusketan, bizitzaren irudikapena azaldu nahian, zazpi serie ezberdinak osatzen duten irudi selekzio bat ikusiko dugu.
Tradizio baten marrazkia, Ametsen jolasean ibiltzea, Txoko hura, Begiradak, Bera eta lurra eta Detaileak.
Irudi talde bakoitzak, gizakiaren bizitzaren bideari zentzua ematen dio. Une bakoitza sentiberatasun handiarekin interpretatu, hunkitzen gaituen sentiberatasuna harrapatu nahian, mezu garbia eta zuzena izanik.
Mezu honek, gogoa dutenak eta istorio honen partaideak izan nahi dutenak hunkitu nahi ditu.
Detaile bakoitza bakarra izango balitz bezala lantzen saiatu naiz. Irudi bakoitza, hitz eta izenburu bakoitza eta sortzen zitzaizkidan sentimenduak, pixkanaka forma hartzen joan dira. Lana gogorra eta intentsua izan arren, gustukoa eta liberatzailea suertatu zaidala esan dezaket.
Orain, hemen eserita eta hitz hauek idazten ditudan bitartean, oroimen asko etortzen zaizkit burura baina bereziki batek ematen dit behar dudan indar guztia, ametsa egia bihur dadin.
KOLABORATU ETIOPIA UTOPIAREKIN!
Modu asko daude Etiopia Utopiarekin kolaboratzeko: boluntario gisa, ekimen solidario bat antolatuz, laguntzaile bihurtuz edo dohaintzen bidez.
Gure Fundazioarekin kolaboratu nahi duten pertsonek hainbat arlotan egin dezakete. Pertsona aktiboak behar ditugu, denon artean bidegabekeria eta desberdintasun gutxiago dituen mundu baten alde lan egiteko. Gure egoitzan zein Etiopian gauzatzen dugun lanari pertsona bakoitzak balio erantsi bat gehitzea nahiko genuke, betiere pertsona bakoitzaren gaitasunen eta aukeren arabera, baita gure gizartean pentsamendu kritikoa bultzatzea eta eraldaketa sozial positibo baten alde lan egitea ere.
Boluntario taldearen kide izateak, ematea ez ezik, jasotzea ere badakar, elkarrekin ikasteko prozesu aberasgarri baten parte bihurtzen delako boluntarioa. Horretarako, honako hauek dira gure baldintzak:
- Gure ekintzaren onuradun diren pertsonak errespetatzea: lan egiten dugun pertsonen giza duintasuna aitortzea eta errespetatzea.
- Justizia bilatzea: gizarte-bazterkeriaren zergatiak bilatzea eta horiek alboratzeko borrokatzea, babesgabetasun- eta behar-egoeran dauden pertsonak defendatzea.
- Elkartasuna: beste pertsonaren lekuan jartzen jakitea, hura sostengatzea.
- Eskuzabaltasuna eta altruismoa: lana, denbora eta arreta eskura jartzea.
- Parte-hartze demokratikoa: besteen parte-hartze zuzena sustatzea eta arazoak konpontzerako orduan dauden desberdintasunei dagokionean errespetuzko giroa sortzea.
- Askatasuna: gizakiak askatasunez jarduteko duen gaitasuna aldarrikatzea, pertsona bakoitzak bere motibazio eta sinesmen sakonen arabera joka baitezake, direla etikoak, erlijiosoak, politikoak edo kulturalak.
- Presentziaren balioa: behar duenarekin egoteko gaitasuna izatea, apaltasunez eta modu jarraituan.
- Jarrera dinamikoa eta positiboa. Entzuten, errespetatzen eta giro ona sortzen jakitea.
- Egoera fisiko eta psikiko onean egotea.
- Astia izatea eta konpromisoa, pertsona bakoitzaren errealitatearen araberakoa.
- Oztoporik ez jartzea baina mugak jartzen jakitea.
Etiopian
Fundazioan
Pertsona aktiboa eta solidarioa bazara, lagunartean ekitaldi bat antolatzeko aukera baduzu, azoka txiki bat, kontzertu bat, afari bat, … eta bildutako dirua gure Fundazioaren proiektu bati eman. Ideia solidario bat baduzu, abian jartzen lagunduko dizugu. Bidal ezazu mezu bat helbide honetara…
Zure diru-ekarpena oso garrantzitsua da burutzen ditugun proiektuetarako.
Horrela, Laguntzailearen figurari esker, gaur egun Etiopian gauzatzen ari garen proiektuei jarraipena eman ahal diegu.
Zuk erabakitzen duzu zenbat eman eta maiztasuna.
Irabazi asmorik gabeko erakunde bat garenez, PFEZaren aitorpenean parte bat ken dezakezu.
Dohaintza bat egitea nahiago baduzu, jarraian kontu zenbakiak aurkituko dituzu. Desgrabazioa egiteko dohaintza egin izanaren ziurtagiria jaso nahi baduzu, bidali mezu bat hurrengo helbidera zure datuekin eta gaian zure NAN/IFZ zenbakia zehaztu:
Kutxabank
Jabea: Etiopia Utopia Fundazioa
ES27 2095 5001 00 1063671571
Laboral Kutxa
Jabea: Etiopia Utopia Fundazioa
ES61 3035 0060 41 0600140005
Enpresak
Enpresa bat bazara eta lagundu nahi baduzu, eskatu informazio gehiago helbide honetan:
Teaming es una herramienta online para recaudar fondos para causas sociales a través de micro donaciones de 1€ al mes. La filosofía de Teaming se basa en la idea de que con 1€, nosotros solos no podemos hacer mucho pero si nos unimos, podemos conseguir grandes cosas.
Colabora con Etiopía Utopía con 1€ al mes desde nuestro Grupo de Teaming pinchando en este enlace:
Grupo de Teaming Etiopía Utopía
Categorised in: Ekitaldiak
etiopia