TIGRAYKO TRAGEDIA

PRENTSA OHARRA: 2020ko abenduaren 1a

Etiopia Utopia Fundazioa duela 10 urte baino gehiagotik ari da lanean Etiopiako Tigray eskualdean, eta han gertatzen ari denaz ohartarazi nahi du.
Azaroaren 4an, Tigray eskualdeko gobernuaren eta Etiopiako gobernu federalaren arteko tirabirak eta desadostasunak gorenera iritsi ziren, eskualdean gatazka armatu bat piztuz.
Gatazka horrek indarra hartzen jarraitu du eta biktimen kopurua gehitzen jarraitu du; Etiopiako iparraldeko eskualde honetan gertatu den itzalaldi informatiboaren ondorioz, oso zaila da egiaztatzea. 40.000 pertsona baino gehiago errefuxiatu dira Sudanen, oraingoz, kopuru horrek gora egitea espero baitute.
Gobernu federalak, eskualdeko hiriburua hartu ostean, operazio militarraren amaiera iragarri duen arren, gatazka amaitzetik urrun dago, eta ingurua ezegonkortuko duen eta tigraitar eta etiopiar guztiengan mina eta sufrimendua eragingo duen gatazka bihurtzen ari da.
Etiopia Utopia Fundazioak eskualdean gertatzen ari den tragedia humanitarioa azpimarratu nahi du, bertan lan egiten dugun erakundeei ere eragiten diena. Hain zuzen ere, gure lankidea den David Pérez de Unzuetak, duela egun gutxi arte han zegoenak, muturreko baldintzetan ihes egin behar izan zuen herrialdetik. Etiopian garatzen genituen proiektuak gelditu egin behar izan ditugu, eta atsekabetuta gaude, bereziki, eskualdeko erreferente den eta aspaldidanik lankidetzan gabiltzan Mekelleko Ayder Referral Ospitalearen egoeragatik, hornigairik gabe geratzen ari baitira.
Gatazkak bertan behera uztea, laguntza humanitarioa eremuan sartzea, harrapatuta dauden lankideak ebakuatzea (tartean euskal emakume bat) eta komunikazioak berrezartzea eskatzen dugu.

HARREMANETARAKO:
proyectos@etiopiautopia.org
943 005863 / 675715315

Categorised in: Etiopia

etiopia